ഇൻഡിഗോ എയർലൈൻസിനെതിരെ വിമർശനവുമായി ക്രിക്കറ്റ് കമന്റേറ്ററും എഴുത്തുകാരനുമായ ഹർഷ ഭോഗ്ലെ. ഇന്ഡിഗോയ്ക്ക് 'യാത്രക്കാർ അവസാനം' എന്ന മനോഭാവമാണെന്നാണ് അദ്ദേഹത്തിന്റെ വിമർശനം
'ഒരു ദിവസം ഞാൻ @IndiGo6E-യിലെ ആളുകളെ അത്താഴത്തിന് വീട്ടിലേക്ക് ക്ഷണിക്കും, മേശ ഒരുക്കി ഭക്ഷണം പാകം ചെയ്യുന്നതുവരെ വാതിലിനു പുറത്ത് കാത്തിരിക്കാൻ അവരോട് ആവശ്യപ്പെടും #IndigoFirstPassengerLast'- സോഷ്യൽ മീഡിയ പ്ലാറ്റ്‌ഫോമായ എക്‌സിൽ ഭോഗ്ലെ കുറിച്ചു. എന്ത് സംഭവത്തെ ആസ്പദമാക്കിയാണ് അദ്ദേഹം ഇത്തരത്തിൽ കുറിപ്പ് എഴുതിയതെന്ന് വ്യക്തമല്ല.
One day I am going to invite people from @IndiGo6E home for dinner and ask them to wait outside the door till the table is laid and the food is cooked. #Rude. Always #IndigoFirstPassengerLast
ഒരു ഉപയോക്താവ് പോസ്റ്റിന് മറുപടിയായി കുറിച്ചത് ഇങ്ങനെ, 'ഇൻഡിഗോ ജീവനക്കാരെ അത്താഴത്തിന് ക്ഷണിക്കൽ, ഘട്ടം 1 - പ്രവർത്തന അനുമതികൾ ലഭിക്കുന്നതുവരെ അവരെ പുറത്ത് കാത്തിരിക്കാൻ പ്രേരിപ്പിക്കുക. ഘട്ടം 2 - അവസാന നിമിഷം ക്രമരഹിതമായി ഡൈനിംഗ് റൂം മാറ്റുക. ഘട്ടം 3 - മുൻഗണനാ ഇരിപ്പിടങ്ങൾക്ക് അധിക നിരക്ക് ഈടാക്കുക. ഘട്ടം 4 - അസൗകര്യത്തിന് ക്ഷമാപണം നടത്തുകയും എന്റെ വീട് തിരഞ്ഞെടുത്തതിന് അവരോട് നന്ദി പറയുകയും ചെയ്യുക.'
ഇന്ത്യൻ എയർലൈൻസിൽ ഒന്നിൽ നിന്നും നല്ലൊരു യാത്രാ അനുഭവം പ്രതീക്ഷിക്കില്ലെന്നാണ് മറ്റൊരു ഉപയോക്താവ് കുറിച്ചത്. പരിഹാസങ്ങളും വിമർശനങ്ങളുമായി നിരവധി കമന്റുകളാണ് പോസ്റ്റിന് താഴെ വരുന്നത്.
Content Highlights: Harsha Bhogle Calls Out IndiGo Once Again For Its 'Passengers Last' Attitude, Sparks Online Chatter